• అధికారులు సహకరించకనే మూడు సార్లు వాయిదా వేసిన
• ఎంపీ బండి సంజయ్ ఆసక్తికర వ్యాఖ్యలు

బీఆర్ఎస్ ప్రభుత్వం పోయి కాంగ్రెస్ ప్రభుత్వం రాగానే ఉద్యోగులకు ఫ్రీడమ్ వచ్చిందని ఎంపీ బండి సంజయ్ ఆసక్తికర వ్యాఖ్యలు చేశారు. కేంద్రం నిధులతో మంజూరైన దివ్యాంగుల పరికరాల పంపిణీ కార్యక్రమంలో కరీంనగర్ లో పాల్గొన్నారు. బీఆర్ఎస్ ప్రభుత్వంలో ఇలాంటి కార్యక్రమాలు నిర్వహించుకోలేని పరిస్థితి ఉండేనని.. మూడు సార్లు తాను ఈ కార్యక్రమాన్ని వాయిదా వేయాల్సి వచ్చిందన్నారు. ప్రభుత్వం మారిన వెంటనే ఉద్యోగులకు స్వేచ్ఛ వచ్చిందని.. నిజాయితీ, నిబద్దతతో పనిచేస్తున్నారన్నారు. కేంద్రం కార్యక్రమాల్లో సైతం పాల్గొంటున్నారన్నారు. గతంలో అధికారులు కేంద్రం అమలు చేసే సంక్షేమ కార్యక్రమాల్లో పాల్గొనేవారు కాదని… బీఆర్ఎస్ పాలనలో బెదిరింపుల వల్ల కేంద్రం దివ్యాంగులకు అందిస్తున్న ఉప కరణాలు పంపిణీ చేసే కార్యక్రమాన్ని అధికారులు నిర్వహించలేకపోయామన్నారు. నిర్బంధాల మధ్య అధికారులు పనిచేయడంతో అభివ్రుద్ధి కుంటుపడిందని.. ఇప్పుడు ఆ బాధ లేదు.. స్వేచ్ఛగా బయటకొచ్చి పనిచేస్తున్నారన్నారు. అధికారులకు హ్యాట్సాఫ్… కాంగ్రెస్ ప్రభుత్వం భవిష్యత్తులోనూ స్వేచ్చగా పనిచేయనివ్వాలని.. లేనిపక్షంలో బీ అర్ ఎస్ కు పట్టిన గతే వాళ్లకు పడుతుందని సంజయ్ ఆసక్తికర వ్యాఖ్యలు చేశారు.